Aane Wali Musibat Ko Taalne Ka Upay
Aaj har vykti kisi na kisi musibat se ghira hua aur uske ghar parivar mein koi na koi musibat chal rahi hoti hai ya lagi rahti hai.
Bahut baar aisa hota hai ki ek musibat chal rahi hoti hai aur uski wajah se dusari musibat khadi ho jaati hai aur vykti apne aap ko bahut badi samasya mein uljha hua pata hai.
Bahut baar office aur paiso se sambandhit samasya aa jaati hai jiski wajah se ghar mein kalah hoti hai aur pati patni ke beech maar-peet ladai jhagra hota hai.
Yaha par jo upay diya ja raha hai wo behad saral hai aur is upay ko kar ke aap apni chal rahi musibat se to chutkara paa hi sakte ho lekin aane wali musibat ko bhi rok sakte ho.
Maan lo kisi jyotishi ne bola hai ki accident ho sakta hai ya phir kisi ne bola ki paiso ka nuksan ho sakta hai to aap is upay ko kar sakte hai aur apna nuksan hone se b
Aapki bimari theek nahi ho rahi (ya ghar pe koi bimar hai), karza nahi utar raha hai, paiso ki tangi hai, ghar mein pati patni ki ladai hoti hai, ya koi bandhish hai upari hawa ka chakkar hai to bhi aap ye upay kar sakte ho aur labh prapt kar sakte ho.
Aapko ye upay har shaniwar karna hai aur agar har shaniwar sambhav na ho to aap isko amavashya ko kar sakte hai.
Aapko har mahine ki amavasya ya phir har shaniwar ko ye upay karna hoga.
Aapko apni lambai (yani aapki height) ke barabar soothi dhaga/dora lena hai aur sarso ke tel ka diya lena hai. Aapko shaniwar ya amavasya ke din peepal ke ped ke pass jana hai naha dhokar ke aur aapko jo dora/dhaga apni height ke naap ka liya hai usko bandh dena hai aur aapko bandhte wakt bolna hai "Mera Mehman Aay To Tum Sambhal Lena - Mere Mehman Ko Tumare Ghar Nimantran Hai"
Dhaga bandhne se pehly aapko sarson ke tail ka diya jalana hai aur ek lotta paani seechna hai aur phir dora peepal ke ped par bandhana hai aur jo bolne ko upar kaha gaya hai wo bolna hai aur phir ghar ko wapis lot kar aa jana hai.
Ye upay karne se aapki jo bhi aane wali musibat hai wo ruk jaaygi ya phir jo musibat jaa nahi rahi hai wo apne aap chali jaaygi.
