Hath Mein 'M' Letter Ka Hona | Hast Rekha Gyan
Hath mein kismat ki lakeer to sabke hoti hai lekin agar hatheli par letter "M" ka hona shubh mana jata hai aur aisa mana jata hai letter "M" money ya marriage ko darshata hai matlab vykti marriage ke baad ameer hota hai ya phir vykti bahut dhani aur prashid hota hai. Lekin hakikat mein humesha aisa nahi hota hai kyuki "M" letter ke alawa baki rekha aur chinha bhi hone chahiye aur hath doshmukt hona chahiye.
Jin logo ke hatho mein teeno rekha (mastak rekha, jeevan rekha aur hridhya rekha acchi hoti hai aur bhagya rekha bhi acchi hoti hai) un logo ke hath mein ye "M" sign banta hai aur jab teeno mukhya rekha aur bhagya rekha acchi hogi to wah vykti apne jeevan mein acchi safalta prapt karega.
Agar hridya rekha aur mastak rekha ke beech bhagya rekha tooti hai matlab "m" symbol acchi tarah se nahi bana hai to vykti ko jeevan ke madhyakaal mein takleef aati hai.
"M" sign jyadatar un logo ke hath mein hota hai jinke hatho mein rekha kam hoti hai aur nirdosh hoti hai aur sabse jaroori hai bhagya rekha ka chandra parvat se shuru ho kar shani parvat par samapt hona.
Waise aisa mana jata hai ki "M" letter wale log bhagyshali hote hai aur jeevan mein acchi unnati karte hai lekin hath doshmukt hona chahiye (sabhi rekha acchi honi chahiye) sirf "M" letter hath mein hone se vykti ko safalta nahi mil sakti.
"M" sign on hand Of Mr. Amitabh Bachchan