Hath Me Konse Rekha Dekh Kar Ye Kaise Check Kare Ki Love Marriage Hogi Ya Nahi
Aap ye janana chahate ho ki aapki love marriage hogi ya arrange marriage hogi to aapko hum is post mein batane ki kosheesh karenge ki wo kon sa sign hath mein hota hai jiske hone par ladke ya ladki ki love marriage hoti hai aur wo kon se sign hote hai jinki wajah se prem to hota hai lekin us insaan se shaadi nahi ho pati hai matlab adhura prem ya prem mein dokha milta hai.
Sabse pehly aapko marriage line (vivah rekha) ka basic clear karna jaruri hai kyuki marriage line ko le kar bahut sari galatfahmi logo ke dimag mein hai jaise ek se jyada vivah rekha hone par do vivah hote hai ya divorce hota hai jabki aisa nahi hota hai.
Vivah rekha chotti ungli ke neech paayi jaati hai aur adhikatar do ya teen hoti hai lekin jo sabse saaf, lambi aur gahari hoti hai usko hi vivah rekha mana jata hai.
Vivah ki aayu nikalane ke liye aapko ye saral method apnana hoga jaise agar insan ki vivah rekha little finger ke kareeb hai to uska vivah 30 varsh ki aayu ke paschat hi hoga aur agar heart line aur little finger ke beech hai to vykti ka vivah mid 20s se late 20s ke beech hoga aur agar heart line ke bilkul sameep hai to vykti ka vivah chotti umar yani 15 se 20 ki umar mein ho jaayga aur agar vivah rekha heart line se mili hui ya chipki hui hai to vykti ka vivah balyakaal (baal-vivah) ho jata hai.
Hath mein jab bhagya rekha (fate line) par chandra parvat se aa kar koi rekha bhagya rekha mein milti hai to us insan ki love marriage hoti hai ya phir uski kismat shadi ke baad badalti hai ya phir wo videsh chala jata hai. Lekin yadi chandra parvat se aa rahi rekha bhagya rekha ko kaat de to vykti ko apne lover se dokha milta hai ya phir pyar shadi mein nahi badal pata hai, adhura rah jata hai.
Yadi bhagya rekha ke sath ek aur bhagya rekha chal rahi hai yani double fate line (dohari bhagya rekha) to aise mein vykti ki dohari income hoti hai ya phir uska affair ya relationship ghar ke bahar ban jata hai ya phir kabhi kabhi love marriage bhi hoti hai.
Aur adhik jankari ke liye ye post padein - Vivah Rekha