Hast rekha vigyan mein mrityu (death) ko le kar bahut se yog ka vivran diya gaya hai lekin aisa nahi hai ki humesha wo sahi hi hote hai isliye hast-jyotishi ko bahut saavdhani ke sath faladesh karna chahiye aur vykti ko saavdhan karna chahiye.
Halaki ki mrityu ka faladesh karna kadapi anuchit aur anetik hai isliye palmist ko humesha is vishay se duri bana kar rakhni chahiye.
Yadi hast-jyotishi ko lagta hai ki vykti ke prano ko sanktan to hast-jyotish vykti ko aane wale khatra se aagah kar sakta hai aur usko jyotish remedy de sakta hai.
1) Yadi jeevan rekha dono hatho mein ek hi jagah par tooti hui ya dweep-yukt hai to vykti bimar pad sakta hai ya phir uska saamna kisi accident se ho sakta hai.
2) Yadi jeevan rekha mein dweep hai aur us ke bheetar aadi rekha ya cross hai to vykti ke parviar mein kisi mrityu ka soochak hai.
3) Kala til jab bhi kisi rekha par aata hai khastor par jeevan rekha par tab wo kisi badi bimari ka soochak mana jata hai.
4) Swasthaya rekha agar jeevan rekha ko kaat de aur shukar parvat par aa jaay to aise vykti ki dhurgatana mein mrityu hone ki sambhavna rahti hai.
5) Agar nimn magal parvat par cross ya island ka sign ho to vykti ka bada accident ya us pe humla hota hai ya phir wo suicide kar sakta hai.
6) Agar teeno mukhya rekha (Mastak, Jeevan, aur Hridhya) aapas mein mil jaay to vykti suicide kar sakta hai ya phir alpayu ho sakta hai.
7) Agar Head line life line ke parallel neeche manibandh par aa jaay to vykti tanaav mein aa kar suicide kar sakta hai ya doob kar mar sakta hai.
Is tarah hast rekha mein bahut sare yog (sign) death ko le kar batay gaye hai jaise family mein kisi ki death hona, father ya mother ki jaldi death hona, bhai ya bahan ki death hona, pati ya patni ki death hona, sudden death hona, lambi bimari ke baad death hona, videsh mein death hona, paani mein doob kar death hona, ya lambi bimari ke baad death hona, suicide kar lena, etc
Ye sab us particular line ke tootne ya us par bure sign (cross, island, ya mole) ke hone par pata lagta hai jaise marriage line par mole hai to husband ki death ho sakti hai ya marriage line heart line ko touch kar rahi hai to bhi aisa ho sakta hai aur jaise bhai-bahan ki rekha tooti hui ho to wo bhai ya bahan ki kacchi umar mein death ko darshati hai, etc.
Yaha par ek baat clear karna bahut jaroori hai ki is tarah ke yog (signs) ka result kabhi bhi 100% nahi paya jata hai isliye humesha is tarah ka prediction karte waqt bahut saavdhani bartani chahiye.